Mall. Theod. 12 tit. - 12, 7
DE METRO IONICO MINORE
121Cum vero metrum et choriambicum et antispasticum
et ionicum a maiore, sicut ostendimus, ita propriis contexantur
pedibus, ut, nisi conclusionem aliunde accipiant, inelegans
5atque horridum sit, solum ex his metris, quae quadrisyllabos
recipiunt pedes, ionicum a minore suo se pede ita explet,
ut additamentum non requirat aliorum. Fit enim ex quattuor
ionicis minoribus ita:|
‘vocat omnes, bona iustis sua semper deus adfert’.
10Huic metro neque spondius neque dactylus neque trochaeus
extrinsecus adiungitur: paenultimi enim pedis postrema
syllaba et ultimi priores duae dactylum resonant, posteriores
vero duae spondium vel trochaeum; eaque de causa hoc
metrum suavitatem, quam habet ipsum in sese, non deposcit
15aliunde.
2Fit autem metrum hoc ex tribus etiam ionicis minoribus.
Huius exemplum:
‘bona iustis sua semper deus adfert’.
3Ex duobus quoque ionicis minoribus hoc metrum
20fit ita:
‘bona iustis deus adfert’.
4Alios huic metro pedes idcirco quidam interserendos
crediderunt, ut copiam et facultatem eius augerent, sed
nihil in his, quod aures blande accipere possint, invenimus:
25atque ideo longe melius commodiusque censemus, ut metrum
ionicum a minore eo, quo supra exposuimus modo, unius pedis
ingeminatione expleatur, neque alius quisquam pes sequatur,
quo adsociato non modo ei externa suavitas adquirenda,
sed propria amittenda sit.
55Diversa vero inter se metra posse coniungi lyricorum
poetarum permulta et Graeca et Latina scripta declarant:
itaque dactylico subiungere et dactylicum et iambicum et alia
licet; iambico quoque versu eundem in modum etiam iambicum
et alium quemlibet versum subicere possumus idque eadem
10ratione per omnia metra usurpare possumus, ita ut diversorum
inter se metrorum sit apta et decora coniunctio.
6De arte ergo metrica nihil desiderari a quoquam
scias, ‹si› servatam a nobis docendi rationem perspicias, ut ea,
quae alii, qui eadem de re scripserunt, confusa et permixta
15conlocaverant, nos octo tantum generibus, quibus exceptis
nullum inveniri metrum possit, conprehenderemus, quaeque
etiam ex uno quoque genere species emanarent ac profluerent,
ostenderemus, easque non in inmensum extenderemus, neque
novitatis aut cupiditatis potius quam suavitatis iudicio duceremur;
quo ita usi sumus, ut ea quae essent in carminibus dura
atque aspera, quamvis a quibusdam poetis non essent repudiata,
praetermitteremus.
75Siqui tamen inveniuntur, qui in isdem metrorum generibus
ita rude atque inusitatum | aliquid excogitent, ut id et
cum eadem pedum lege et cum aurium delectatione consentiat,
id abs te respui non oportebit: ea enim in re, quae ipsa per se
infinita sit, novum aliquid reperiendi constitui finis non potest.
10‹Ad› te tamen ceterosque, qui se esse metricae disciplinae non
ignaros volent, ea sententia conveniet, ut ex his quae a nobis
declarata sunt metrorum rationem atque doctrinam abunde
consecutos, etiam si nihil a quoquam adiciatur, existiment.
Critical apparatus
DE METRO IONICO MINORE] om. C S T M; om. W E Fet] om. θ Mantispasticum Heusinger: anapaesticum codd.Huic] hic εpedis] pedes W Uipsum Heusinger: ipse codd.in sese] om. M; in se η Ehuic] hic εeius] om. E; etiam cett.blande] blandae P S Tpossint M: possunt cett.pes sequatur Heusinger: pes persequatur M; prosequatur S; persequatur cett.amittenda] admittenda W P S η C M; ammittenda Fdactylico] dactylo U Mversu] versui S Qratione] rationem W Cdesiderari w Heusinger: desiderare codd.perspicias E M: qui in textu servata ⁓ ratione perspicua scripsit praeeunte Gruner Keil; servatam a nobis docendi rationem D; servata a nobis docendi ratione cett.; praespicias vel prespicias P S T U C F; perficias R; prespiciens Wea, quae] eaque S U Cde re scripserunt] docuere S; docere cett.; om. Cconfusa] perfusa δconlocaverant Keil: conlocaverint β θ; conlocaverunt Mex Ruhnken: in codd.species emanarent Heusinger: specie me manerent W; specie emanarent ε C F M; specie emanare S; speciemanarent Eac profluerent] ac perfluere S; hac perfluerent Reasque] eas quae P; eaque θ; ea quę Min] om. ε C F Mduceremur Heusinger: deduceremus M; duceremus cett.quo Keil: quod codd.usi] visi S U Mrude atque inusitatum] sude atque inusitatu W; dure atque inusitatum P S U; dureatur inusitatum R; dure aut inusitatum Tcum eadem pedum lege Romanini 2007: cum eodem pedem legat C; cum eodem pede legat codd.; eodem pede legatur Keilabs te] apte δ F; aperte Ead suppl. Romanini 2007qui se esse] qui secesse P; quis secesse R; qui esse Mut] et δ Chis quae] hisque S Cexistiment P R S U T F C E M: extiment W; FINIT LIBER MALLI THEODORI DE METRIS W -II S U; DEO GRATIAS AMEN W; FINIT LIBER MALLI THEODORI DE METRIS LEGE CUI CUPIS FELICITER P; DEO GRATIAS finitur liber malli theodori de metris lege cui cupis FELICITER R; FINIT T; omnibus adversantibus me Amen T; FINIT MANLI THEODORI DE METRIS F