Latin Grammarians Collection
ERC

Sacerd.

Sacerd. 2, 2, 15 - 2, 2, 24

‘G’ litteram ante ‘‑eo’ habens 10verbum secundam regit coniugationem. Tempus vero perfectum modo triplici terminabit: nam aut ‘‑xi’ faciet aut ‘‑gui’ aut ‘‑si’, ut ‘lugeo luxi, egeo egui, terg‹e›o tersi’. Dicimus et ‘tergo tergis’ tertia correpta: legimus et ‘spicula lucida tergent’, quod venit a ‘tergeo ‹terges›’, et ‘‹ter›gunt’ ab eo quod est ‘tergo tergis’ (‘qua mensas 15detergeo’). 15‘H, i, k’: his litteris ante ‘‑eo’ positis verbum regi non inveni. ‘L’ ante ‘‑eo’ posita secundam regit coniugationem, speciem perfectam ‘‑lui’ vel ‘‑levi’, ut ‘caleo calui, deleo delevi, compleo complevi’. Excipitur unum ab utraque ratione defectivum genere, faciens speciem perfectam scilicet quasi passivam, ‘soleo 20solitus sum’. ‘M’ ante ‘‑eo’ posita primam regit coniugationem, speciem perfectam ‘‑avi’ faciens, ‘remeo remeavi, commeo commeavi’. Hoc tamen scire debemus, quod omnia verba ‘e’ ante ‘‑o’ habentia secundae sint coniugationis necesse est, excepto ‘eo’ et illis 2, 5quaecumque ab hoc verbo fuerint tracta, quae omnia tertiae sunt productae praeter duo primae coniugationis, quae supra posita monstravi, ‘remeo commeo’. ‘N’ ante ‘‑eo’ habentia verba, si venerint ‹a verbo ‘eo’›, tertiae productae sunt, specie perfecta facientia ‘‑ivi’ vel ‘‑ii’, ut ‘ineo inivi’ vel ‘inii’; si non venerint, secundae erunt coniugationis, ‘nui’ facientia specie perfecta, ut ‘moneo 2, 10monui’. 10‘‑O‑’ ante ‘‑eo’ habentia verba tertiae sunt coniugationis, ‘‑vi’ vel ‘‑ii’ facientia specie perfecta, ut ‘coeo coivi’ vel ‘coii’. ‘P’: hanc litteram ante ‘‑eo’ verbum habens non inveni. ‘Q’: hanc litteram ante ‘‑eo’ habens verbum non inveni. ‘R’: haec littera ante ‘‑eo’ posita secundae coniugationis regit verba, ‘‑rui’ faciunt specie 15perfecta, ‘careo carui’; tertiae vero productae, ‘‑ivi’ vel ‘‑ii’, ‘pereo | perivi’ vel ‘perii’. ‘S’ ante ‘‑eo’ posita unum repperi verbum tertiae productae, ‘‑ivi’ vel ‘‑ii’ faciens specie perfecta, ‘transeo trasivi’ vel ‘transii’.