Latin Grammarians Collection
ERC

Sacerd.

Sacerd. 2, 2, 35 - 2, 2, 44

‘G’ ante ‘‑io’ habens verbum tale inveni, ‘‹fugio›’: facit enim ‘fugio fugis ‹fugi›’, quod est tertiae correptae, cum in imperativi modi secunda persona ‘fuge’ faciat, ut Vergilius ‘heu fuge crudelis terras’. ‘H’ ante ‘‑io’ habentia verba primae coniugationis 5repperi, ‘‑avi’ facientia specie perfecta, ‘hio inhio, hiavi inhiavi’. ‘I, k’ ante ‘‑io’ finita verba non inveni. ‘L’ ante | ‘‑io’ verbum habens tertiae productae repperi, ‘‑ivi’ vel ‘‑ii’ faciens, ‘polio polivi’ vel ‘polii’ – participium passivum posuit Vergilius, ‘iam parte polita’, et modi indicativi activitatis specie‹m› imperfecta‹m›, 10‘polibant’. 10‘M’ ante ‘‑io’ habens verbum non inveni. ‘N’ ante ‘‑io’ habens verbum, si primae fuerit coniugationis, ‘‑avi’ faciet specie perfecta, ‘lanio lanias laniavi’; si tertiae productae, ‘‑nivi’ vel ‘‑nii’, ‹’munio munivi’ vel ‘munii’›. ‘O’ ante ‘‑io’ posita‹m› non inveni. ‘P’ ante ‘‑io’ posita{m} tertiae correptae inveni, ‘‑pui’ 15facientia specie perfecta, ‘rapio rapui, sapio sapui’, vel ‘‑pivi’, ‘{sapivi rapivi} cupio cupivi’. ‘Q’ ante ‘‑io’ positam nusquam inveni, et rationabiliter, quoniam ‘q’ littera non scribitur nisi ante ‘‑u’ et aliam quamcumque vocalem {habeat} coniunctam. ‘R’ ante ‘‑io’ posita tertiae correptae inveni, ‘‑peri’ faciens specie perfecta, sed ‘pe‑’ syllaba correpta in principio addita, ‘pario peperi’. Quidam putant hoc verbum et tertiae productae esse, sed errant: nam infinitum ‹vel› 2, 5perpetuum modum Terentius posuit ‘parere hic divitias’. Quod si esset tertiae productae ‘ri’ habuisset syllabam ante ‘‑re’, ‘parire’. Praeterea ‘re’ utraque correpta est. Nam si produxeris erit secundae coniugationis, ‘parere’, veniens a verbo ‘pareo pares paret’, ut Vergilius ‘paret Amor dictis’.