Latin Grammarians Collection
ERC

Ars Ambian. rec. G

Ars Ambian. rec. G 1, 1 - 1, 10

∆. Partes orationis quot sunt? M. VIII. ∆. Quae? M. Nomen, pronomen, uerbum, aduerbium, participium, coniunctio, prepositio, interiectio. 5∆. Nomen quid est? M. Pars orationis cum casu, corpus aut rem proprie communiterue significans. ∆. Nomini quot accidunt? M. VI. ∆. Quae? M. Qualitas, conparatio, genus, numerus, figura, casus. ∆. Qualitas nominum in quo est? M. Bipertita est: aut 10enim unius nomen est et proprium dicitur, ut ‘Hierusalem,p Iordanus’, aut apellatiuum, ut ‘ciuitas, fluuius, urbs’. ∆. Conparationis gradus quot sunt? M. III. ∆. Qui? M. Positiuus, ut ‘doctus’; conparatiuus, ut ‘doctior’; superlatiuus, ut ‘doctissimus’. ∆. Conparatiuus gradus cui casui seruit? M. Ablatiuo 15sine prepositione: dicimus enim ‘doctior illo’. ∆. Superlatiuus cui? M. Genetiuo tantum plurali: dicimus enim ‘sapientissimus scribarum’ et ‘doctissimus poetarum’. Sciendum tamen quod non omnia nomina qualitatis et quantitatis conparationis gradus habent. Positiuus gradus tantum inuenitur, ut est ‘mediocris’: 20‘medi|ocrior’ enim et ‘mediocrissimus’ dici non possunt. Aliquotiens positiuus et conparatiuus inueniuntur, ut ‘senex senior’; nam ‘senissimus’ non inuenitur. Interdum positiuus et superlatiuus inueniuntur, ut ‘pius piissimus’: nam ‘pior’ dici non potest. ∆. Quae nomina conparantur? M. Apellatiua, dumtaxat 25qualitatem aut quantitatem significantia. ∆. Genera nominum quot sunt? M. IIII. ∆. Quae? M. Masculinum, ut ‘hic magister’; femininum, ut ‘haec aecclesia’; neutrum, ut ‘hoc ieiunium’; commune duorum generum, ut ‘hic’ et ‘haec sacerdos’; trium generum commune, ut ‘hic’ et ‘haec’ et ‘hoc felix’. 30Epicenon, id est promiscuum, ut ‘passer, aquila’. ∆. Numeri nominum quot sunt? M. Duo. ∆. Qui? M. Singularis, ut hic ‘magister’; pluralis, ut ‘hi magistri’. ∆. Figurae nominum quot sunt? M. Duae. ∆. Quae? M. Simplex, ut ‘potens, doctus’; conposita, ut ‘inpotens, indoctus’. 35∆. Quibus modis nomina componuntur? M. Quattuor. ∆. Quibus? M. Ex duobus integris, ut ‘suburbanus’; ex duobus corruptis, ut ‘efficax’; ex integro et corrupto, un ‘insipi|ens’; ex corrupto et integro, ut ‘nugigerulus’; aliquando ex pluribus, ut ‘inexpugnabilis, inperterritus’. 40 40∆. Casus nominum quot sunt? M. VI. ∆. Qui? M. Nominatius, genetiuus, datiuus, accusatius, uocatiuus, ablatiuus; per quos omnium generum nomina, pronomina, participia declinantur. ∆. Quot declinationes habet nomen? M. V; ut 45Prisc‹i›anus dicit: “Omnia nomina, quibus latina utitur eloquentia, quinque declinationibus flectuntur, quae ordinem acciperunt ab ordine uocalium formantium gen‹e›tiuos”.

Critical apparatus

ut doctus G1: om. Gut doctior G1: om. Gut doctissimus G1: om. Gmasculinum G1: magisterculinum Gepicenon scripsit Giammona 2016: erisenon (cf. ‘EPICHnon’ l. 32 A) Gaquila’.] ultor G1duo G1: dua Gmodis G1: om. Gpluribus] partibus conponuntur G2Priscianus corr. Giammona 2016: Priscanus Ggenetiuos corr. Giammona 2016: gentiuos G

Linguistic layer

Quotation layer

Prisc. inst. 5, 3 - 5